الايميل الجامعي - University Email

  ادوات كلية الهندسة

بالنسبة للادوات اللى هتاحتاجها في اعدادي هندسة طول السنة

المسطرة حرف T

ودي ثلاث مقاسات

"120cm" , "100cm" , "80cm"

• لو ناوي مدني هات 80 او 100
• ولو ناوي عمارة هات 120
• ولو ناوي كهربا او ميكا 80 هتقضي الغرض

 هاتوها روترينج اقوي وافضل 

طقم مثلثات

عبارة عن مثلثين

•  مثلث 30-60 
• ومثلث 45-45

  شفاف مش ملون...

 وفيه منه نوعين روترينج وسمير وعلي .. هاتوهم (سمير وعلي) ارخص وافضل

انصحكم بسمير وعلى لان الدكاترة بيفضلوه لانه شفاف وغير مشطوف

مثلت أرسطو

ده دراعك اليمين فى الرسم وبيعمل حاجات كتير جدا

وهتحتاجة كمان فى الاسقاط ف ده اهم حاجة لازم تشتريها. 

(بعض المعيدين مش هيخلوكوا تستخدموه في اعدادى) 

البوردة

ها تستخدمها عشان ترسم عليها

مش لازم تجيب وحدة كبيرة دلوقتي

قلام سنون 

احسن نوع فيها روترينج هتجيب

•  واحد "5mm" ترسم بيه
•  واحد "7mm" تفنش بيه 

وأفضل نوع سنون HB 

- طبعا في درجات سنون كتير 

درجات السنون

استيكة عادية

تكون نوع نضيف  فيبركاستل كويسة

استيكة قلم

طبعا الاستيكة دي ها تفيدك جدا عشان مش تبوظ اللوحة

لازق ابيض 

عشان تثبت بيه اللوحة

شبلونة دواير

هيساعدوك فى رسم الدوارير والمنحنيات بكل المقاسات هاتو نوع رخيص مش لازم غالي

 ( فى معيدين هيمنعوا انكوا تستخدموهم )

شبلونه مسح 

عشان تسهل عليك تمسح الخطوط الرفيعة بدل ما تبوظ اللوحة

حافظ اللوحات ( رولا )

رولا يحفظ ويحمل فيها لوح الرسم طولها يكون مناسب

( المسطرة والرولة لهم جراب يحتويهما معا اشتروه...😂)

فوطة

فوطة تنظيف عشان تنظف بها اللوحة

( تشبه فوط العربيات...😂 )

برجل

البرجر عشان رسم الدواير والممسات....

البرجل براحتك ممكن تجيب نوع كويس وممكن نوع رخيص يكفي معاك طول السنه 

لوجبت نوع كويس جيب براجل روترينج